Fikmin Sunda # Surat cimata

Ema teu kahaja molongoan daster almarhum inung dunungan. Lain kaayaan anu kudu dikekeyek, masalah mah aya baé diunggal juru jeung ringkak kahirupan papada manusa. Ema Unah contona. Pembantu dunungan Jaji. Kukumbah, ngoréd buruan, puguhna bébéres rompok mah, atuh Jaji supir. Tukang untar-anter. Keur dunungan areuweh Ema nginghak ciramai, cimata malur beungeut, ngalir dina sela-sela tanda kakolotan. Nyamhareup ka Jaji nu depong nungkulan inghak Ema, awak ngagibrib, biwir norowéco maido dunungan nu euceukna nyoék haté. Jaji teu walakaya ukur unggeuk jeung "Muhun" maturan rasa teu wasa kanu jadi balad salalakon. Ka soré nakeun. Dunungan ménta dianteur kana Jaji, Rarayna ngadadak beureum ku rasa inggis. Gek douk. Dunungan tuluy nutup panto buri mobil bari muka omongan ka Jaji. Inghak deui baé, ci mata teu katadah. Maca surat almarhum indungna, Ema darah aslina.